महाराष्ट्र राज्यातील नाशिक जिल्ह्यात चांदवड तालुक्यात खडकओझर या गावी केद्राई माता हे एक जागृतदेवस्थान म्हणुन प्रसिध्द आहे .मुंबई आग्रा नँशनल हायवे क्र. ३ वर वडाळी भोई या गावाजवळुन ६ कि. मी. अंतरावर हे देवस्थान असुन अमावस्या, पौर्णिमा, मंगळवार, शुक्रवार व रविवार या दिवशी प्रचंड गर्दी या ठिकाणी असते. नवसाला पावणारे अशी ख्याती असलेले हे देवस्थान आहे. केद्राई मातेच्या मंदिराशेजारी प्राचीन शनी,राहु, केतु यांचे मंदिर आहे. केद्राई मातेसमोरील जागेत चारमुखी हनुमान मुर्तीखुपच सुंदर असुन शेजारील मंदिरात शिवलींग आहे. केद्राई माता मंदिरासमोरील टेकडीवर प्राचीन शिवकालीन दिपमाळ पहावयास मिळते. मंदिराच्या बाजुलाच धरण असल्याने ते केद्राई माता धरण म्हणुन प्रसिद्ध आहे. मदिर परीसरातील वड व पिंपळ हे वृक्ष देवस्थानचे वैभव आहेत. विनता नदीच्या तिरावर असलेले हे देवस्थान खुप शांत सुंदर व रमणीय असे आहे.पुरातन काळापासुन चैञ वैद्य नवमीला देवीचा रथ देवस्थानापासुन खडकओझर गावापर्यन्त मोठ्या थाटामाटात निघतो. या रथयाञेला पंच क्रोशीतील सर्व ग्रामस्थ व भाविक मोठ्या संख्येने एकञ येतात. नवराञोत्सात दररोज हजारो भाविक मातेच्या चरणी लिन होतात. या कालावधीत मंदिर प्रशासनाकडुन विद्युत रोषणाई व धार्मिक कार्यक्रमांचे आयोजन केले जाते. त्यचप्रमाणे देवस्थाना पासुन केद्राई ते शिर्डी, केद्राई माता ते गाणगापुर, केद्राई माता ते ञंबकेश्वर असा पायी दिंडी सोहळा दरवर्षी होतो. केद्राई माता देवस्थान पासुन सप्तशृंगी गड २८ कि. मी. व २२ कि. मी. चांदवडचे रेणुका माता देवस्थान आहे.तसेच सह्याद्रीच्या उतर पुर्व रांगेत सप्तशृंगी गडाशेजारील मार्कंडेय पर्वत, धोडप किल्ला, विखारा पहाड कांचन किल्ला इद्रायणी किल्ला चांदवड येथील रेणुका मंदिर, चंद्रेश्वर मंदिर ,ईच्छापु्र्ती गणेश मंदिर सुप्रसिद्ध रंगमहाल अशी २०ते २५ कि. मी. च्या अंतरावर असणारी ऐतिहासीक स्थळे पहावयास मिळतात. शिर्डी चे अंतर येथुन ७० ते ७५ कि. मी आहे. केद्राई मातेबद्दल कितीही बोलल तरी कमीच आहे. अश्या या जागृत देवस्थानाला आपण याव आणि मातेचा आशिर्वाद अवश्य घ्यावा.